7 желтоқсан – Ақсақалдар күні


  • Ақсақалдар, ақылман арда асылдар,
    Кеудесінде дәстүрдің қамбасы бар.
    Бойларында намыстың жалғасы бар,
    Ойларында дария арнасы бар.

Қариялар, ақылгөй абыздарым,
Тірілткен талай тарих аңыздарын.
Құны немен өлшенер сен дарытқан,
Тәрбие дейтін құнды қазынаның.

Батагөй қасиеттім қара шалдар,
Кемеңгер, әрқайсысы қара нарлар.
Өсем деген ұрпақтың бүгінгісі,
Қариясын сыйлаумен дараланар.

Өткен мен кеткенді кең бағамдайды,
Ақ тілекпен халқына бақ арнайды.
Үлкен, кіші жақсылық бола қалса,
Бата алмай қариядан басталмайды.

Сөзінде ақсақалдың базына бар,
Жан болса егер түсініп жазып алар.
«Әке көрген оқ жонар» – деген Бабам,
Ата көрген болады ұл арына адал.

Аман болшы, ақылгөй аталарым!
Қабыл болсын, ақ тілек, баталарың!
Қазыналы қарттарым, жүз жасаңдар,
Алшы түссін қазақ деп сақаларың!

Хуат Иркітханқызы

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Келесі мақала

Қарағанды гарнизонында жауынгерлік даярлық сабақтары басталды

Дүй Жел 12 , 2022
Оқылды: 66 Қарағанды гарнизоның механикаландырылған бригадасы жаңа жылға арналған міндеттерді айқындады. «Астана» өңірлік қолбасшылығына қарасты 31775 әскери бөлімінде мамандық бойынша дайындық сабақтары өткізіліп, сарбаздардың жауынгерлік даярлығы еліміздің қорғаныс қабілетін одан әрі арттыруға бағытталған. 31775 әскери бөлімінде жаңа оқу жылы жауынгерлік даярлық сабақтарынан басталды. Әскер қатарына келгеніне бір жарым ай болған […]