Қарағандылық ұландар қатары 400-ден астам жас сарбазбен толықты

Өткен демалыс күндері Қарағанды қаласындағы Ұлттық ұланның 6505 әскери бөлімінде әскерге шақырылушылардың салтанатты түрде әскери ант қабылдау рәсімі өтті. Сарбаздарға сәттілік тілеп, жылы лебіздерін білдіру үшін Ұлттық ұлан “Орталық” өңірлік қолбасшылығының басшылығы, бөлімнің ардагерлер құрамы мен сарбаздардың ата-аналары арнайы келді. Іс-шараны құрама командирі, полковник Бауыржан Мұратбекұлы құттықтау сөзімен бастады.

– Сарбаздар, бүгін сапта тұрған әрбірің үшін жауапты күндердің бірі. Әскери антты ер жігіт өмірінде тек бір-ақ рет қабылдайды, есесіне антына адал болу, бұл мәңлігікке қалады. Сондықтан ел қорғаушылар, осы күннен бастап бөліміміздің қатарында адал да, абыройлы қызмет етесіңдер деп сенемін, – деді құрама командирі сарбаздарға өз сенімін білдіріп.

Айта кетелік, аталмыш іс-шара барысында Жамбыл, Алматы, Ақмола, Түркістан, ОҚО, СҚО, ШҚО облыстарынан шақырылған 400-ден астам жас сарбаз көпшілік алдында еліне ақтық демі қалғанша абыроймен қызмет етуге серт берді.

– Әрбір ер азаматтың борышы — елі мен жерін қорғау. Бүгін міне, біздің шақырылым әскери анттарын қабылдап, Отан қорғаушы атанды. Антымызға адал боламыз, – деп жас жеткіншектердің қатарынан Жамбыл облысынан шақырылған қатардағы Мырзабек Ускенов Мейрамович сөз сөйледі.

ҚР Ұлттық ұланы «Орталық» өңірлік қолбасшылығының баспасөз қызметі.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Келесі мақала

Романтикалық қала - Стамбұл

Жек Қаң 28 , 2024
Оқылды: 113 14 ақпандағы Валентин күнін әлемнің ең романтикалық мекендерінің бірі – Түркияда өткізіңіз. Сіздерге – космополиттік қаладағы романтикалық кездесуді ұсынамыз. Стамбұл – туристерді таң қалдыратын пейзаждары, шағалалар толқындармен жарысқан теңіз, тарихи көне ескерткіштер мен жәдігерлер, ескі және заманауи мәдени-рухани құндылықтар сақталған қала. Айя София мен Сұлтанахмет мешіті, Османлы империясының […]