Қарағанды қаласының әскери лазаретінде хирургия бөлімінің бастығы майор Асхат Тәшеновты зейнеткерлікке шығарып салу және қатардағы жауынгер Айдана Каленованың әскери ант қабылдауына арналған салтанатты іс-шара өтті.
Салтанатты іс-шара барысында Қазақстан Республикасы Қарулы Күштері Бас әскери-медициналық басқармасы бастығының орынбасары, подполковник Елдос Абдуллаев Денсаулық сақтау министрінің атынан майор Асхат Тәшеновке «Денсаулық сақтау ісіне қосқан үлесі үшін» медалін табыс етті.
Майор Асхат Тәшенов 1999-жылы Қарағанды медициналық академиясын бітіріп, Палодар және Қарағанды облыстарының госпитальдарында хирург-анестезиолог болып жұмыс істеген, ол 2011-жылы Қарулы Күштер қатарына әскери қызметке шақырылып, бөлім бастығы лауазымына тағайындалды. 06708 әскери бөлімінің медициналық ротасының хирургиялық бөлімі, 2014 жылдан бастап Қарғанды қаласындағы әскери госпитальға ауыстырылды. Жасы шегіне жеткен соң анестезиология және реанимация бөлімінің меңгерушісі қызметінен зейнеткерлікке шықты.
Хирург-анестезиологтың маңызды жұмысын қатардағы жауынгер Айдана Каленова әскери госпитальда жалғастырады. Бұл күні ол Отанына адал болуға салтанатты түрде ант берді.
– Бала кезімнен әскери адам болуды армандадым, ал ата-анам дәрігер болғанымды қалайтын. Екі тілегімде орындалды, енді өз орнымды таптым, – деп өз әсерімен бөлісті қатардағы жауынгер Айдана Каленова.
Айдана 2023 жылы Қарағанды медицина университетін анестезиология және реаниматология, ересектер және балалар дәрігері мамандығы бойынша білім алып, қазір Қарағанды қаласындағы әскери госпитальдің анестезиология және жансақтау бөлімінің меңгерушісі қызметін атқарып келеді.
