Қарағанды гарнизонындағы механикаландырылған бригаданың сарбаздары Кадет сыныбының оқушыларына «Ерлік сабағын» өткізді.
Ашық сабақ барысында оқушылар мен әскери қызметшілер батырлардың кемеңгерлігі, батылдығы және патриотизм туралы пікір алмасып, өз ойларымен бөлісті. Іс-шараның негізгі мақсаты – өскелең ұрпақты отанды сүйгіштікке, елді құрметтеуге баулу болып табылады.
– Болашақ дәл бүгінен басталады. Ал, төл тарихымызды білу және қастерлеп құрметтеу, мына-біздің міндетіміз. Егемен елімізді қорғау әр азаматтың қасиетті борышы деп білемін. Бүгінгі іс-шарадан көп нәрсе түйдім. Біз сияқты мектеп қабырғасындағы оқушыларға осындай шаралар жиі ұйымдастырылғаны жақсы, – деді 9-сынып оқушысы Мөлдір Смағұлова.
Сонымен қатар, Қазақстан Республикасының Қарулы Күштері қатарында қызмет атқару ерекшеліктері мен мемлекет тарапынан көрсетілер көмек жайыда айтылды. Оқушылар көкейлерінде жүрген сауалдарын қойып, тұшымды жауап алды.
