2025 жылдың 21 маусымында Әбілқас Сағынов атындағы Қарағанды техникалық университетінің «Политехник» спорттық-сауықтыру лагерінде II Қазақстандық геологиялық «Сәтбаев» Универсиадасының салтанатты жабылуы ұйымдастырылды.
Қарқаралы өңірінің көрікті жерінде өткен іс-шара еліміздің жетекші техникалық жоғары оқу орындарының студенттерін біріктіріп, студенттер мен ғылыми қоғамдастық өміріндегі айтулы оқиғаға айналды.
Қазақстандық геологиялық Универсиада алғаш рет 2024 жылы Қаратау тауларындағы Сәтбаев университетінің полигонында өткізіліп, көрнекті ғалым, қазақтың тұңғыш академигі Қаныш Имантайұлы Сәтбаевтың туғанына 125 жыл толуына орайластырылды. Содан кейін бұл жас геологтар үшін бірыңғай кәсіби кеңістік құру жолындағы маңызды қадамға айналды.
2025 жылы эстафетаны Әбылқас Сағынов атындағы Қарағанды техникалық университеті қабылдап алып, оның базасында II Геологиялық Универсиада ұйымдастырылды. 16-21 маусым аралығында Satbayev University, Қазақ-Британ техникалық университеті, Назарбаев университеті, Қорқыт ата атындағы Қызылорда университеті, Каспий қоғамдық университеті, Әбілқас Сағынов атындағы Қарағанды техникалық университеті, Семей геологиялық барлау колледжі және басқа да мекемелерден құралған — ұжым мүшелері минералогия, петрография, гидрогеология, геофизика және іздестіру бағыттарын жобалау саласындағы білімдері мен практикалық дағдыларын көрсете отырып, кәсіби сайыстарда бақ сынады.
Универсиада бағдарламасына тек байқаулар мен тапсырмалар ғана емес, сонымен қатар геологиялық барлау саласының мамандарымен тікелей өзара іс-қимыл, тұрақты жер қойнауын пайдалану және геологиялық барлауды цифрландырудың өзекті тақырыптарын талқылау кірді.
Универсиаданың ерекшелігі, командалық рухы және жаңалық ашуға деген құштарлығы бүгінде нағыз жас мамандардың мектебіне айналды.
Салтанатты жабылу жылы, мерекелік атмосферада өтті. Қатысушыларды Қарқаралы ауданы әкімдігінің, Қазақстан Республикасы Индустрия және құрылыс министрлігінің Геология комитетінің, «Центрназнедра» аймақаралық геология басқармасының өкілдері, сондай-ақ университеттер мен өнеркәсіптік компаниялардың өкілдері құттықтады.
Жеңімпаздар — Геология комитеті, ERG Exploration, Қазақмыс Барлау, Satbayev University, Kazzinc, KAZ Minerals, Азимут Геология және басқа да компаниялардың демеушілерінің құрмет грамоталарымен, ақшалай сертификаттарымен және естелік сыйлықтарымен марапатталды. Сәтбаев университеті Семей геологиялық барлау колледжіне ректор грантын бөлді.
Іс-шараны өткізудің жоғары деңгейі, объективтілігі мен кәсібилігі үшін — судьялары мен ұйымдастырушыларына арнайы алғыс сөздер айтылды.
Ф.М. Исатаева
«Геология және пайдалы қазбалар кен орындарын барлау» кафедрасының меңгерушісі, PhD, қауымдастырылған профессоры
