ҚР Президенті Қасым-Жомарт Тоқаев Түркия президенті болған Режеп Тайип Ердоғанды ұлықтау рәсіміне қатысты

ҚР Президенті Қасым-Жомарт Тоқаев Режеп Тайип Ердоғанның шақыруымен Анкарадағы «Кулие» сарайында өткен Түркия Республикасының Президентін ұлықтау рәсіміне қатысты.   

Түркия Президенті Режеп Тайип Ердоған сөйлеген сөзінде ұлықтау рәсіміне арнайы келіп қатысқаны үшін Мемлекет басшысы Қасым-Жомарт Тоқаевқа шынайы ризашылығын білдірді. 

 

Мемлекет басшысымен қатар салтанатты шараға, 40-тан астам мемлекеттің басшыларын, үкіметтер мен парламенттердің, сондай-ақ халықаралық ұйымдардың жетекшілерін қоса алғанда, 90-нан астам делегация өкілі қатысты.

Қазақстан үшін Түркияның стратегиялық маңызы зор. 1991 жылы Қазақстанды тәуелсіз мемлекет ретінде алғаш мойындаған ел – Түркиямен бірге бүгінде саяси, экономикалық, тарихи, мәдени, сауда-саттық салаларында ынтымақтастық күшейген. Ішкі туризмді дамытуда тәжірибесі мол Түркиядан көп нәрсе үйренуге мүмкіндік бар.

2022 жылғы деректерге сәйкес, былтыр Түркияға келген туристер саны 51,4 миллионнан асқан. Бұл індет басталмай тұрғанда (2019 жылы) рекорд болған 51,8 миллионның 99 пайызына тең. Осылайша, туризм саласы бойынша Түркия әлем бойынша 3-орын алды.
2022 жылы Түркияның туризм кірісі 2019 жылмен салыстырғанда 19 пайызға артып, рекордтық көрсеткішке жетті. Бұл 46,3 миллиард долларға тең. Болашақта 90 миллион турист әкеліп, кірісін 2028 жылға қарай 100 миллиард долларға жеткізуді мақсат етіп отыр. Бұл Қазақстанның ішкі туризмін дамытуға үлгі болуы тиіс.

Нәзия Жоямергенқызы

«Түркітілдес журналистер қоры» президенті

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Келесі мақала

Түркия: Кападокияның бес кереметі

Бей Мау 8 , 2023
Оқылды: 283 Өміріңізде кем дегенде бір рет Кападокияға баруыңыздың бес себебі бар. Кападокия – таңғажайып табиғи сұлулығымен және тарихи орындарымен туристерді тартатын Түркияның ең тартымды аймақтарының бірі. «Ертегілер аймағы» аталатын қала әр маусымда үңгірлердегі қонақүйлерімен, түрлі-түсті әуе шарларымен, ерекше мәдени аялдамаларымен және жүзім шаруашылығы мен керамиканың мыңжылдық мұрасымен ерекшеленеді. Ертегілердегі […]