«Астана» өңірлік қолбасшылығы әскерлерінің жаңа қолбасшысы полковник Ержан Ыбыраев қызметтік міндетін бастады. Қарағанды гарнизонына жұмыс сапары барысында оны жеке құраммен Қазақстан Республикасы Қарулы Күштері Бас штабының бастығы генерал-лейтенант Марат Құсайынов таныстырды.
Қазақстан Республикасы Қарулы Күштері Бас штабының бастығы өз сөзінде, полковник Ержан Ыбыраев өзінің бар тәжірибесімен және жоғары кәсіби қасиеттерімен ұштасып, Қазақстан Республикасы Қарулы Күштері әскерлерінің алдына қойылған міндеттерді тиімді жүзеге асыруға қол жеткізе алатынына сенім білдірді. Сондай ақ жаңа командирге табандылық пен сәттілік тіледі.
«Астана» өңірлік қолбасшылығы әскерлерінің жаңа қолбасшысы бұл қызметке Қазақстан Республикасы Қарулы Күштерінің Жоғарғы Бас қолбасшысы – ел Президентінің бұйрығымен генерал-майор Шайх-Хасан Жазықбаевтың орнына тағайындалды. Ал Жазықбаев, өз кезегінде Қазақстан Республикасы Қарулы Күштері Бас штабы бастығының орынбасары болып тағайындалды.
Бір күн бұрын генерал-майор Шайх-Хасан Жазықбаев жауынгерлік абыройдың, ерліктің және даңқтың ерекше белгісі болып табылатын Өңірлік қолбасшылықтың Жауынгерлік Туымен салтанатты түрде қоштасты.
