Жаңа Майқұдық мәдениет үйінде әскерге шақырылғандарды міндетті әскери қызметке салтанатты түрде шығарып салу рәсімі өтті.
Іс-шараға Қазақстан Республикасы Қарулы Күштерінің ардагерлері, басқа мемлекеттер аумағындағы әскери іс-қимылдардың ардагерлері, Қарағанды облысының қорғаныс істері жөніндегі департаменті мен аудандық қорғаныс істері жөніндегі басқармасының Әлихан Бөкейхан ауданының атқамінерлері, қала әкімдігінің өкілдері, Кеңес Одағының Екі мәрте батыры Т.Бегелдинова атындағы Қарағанды республикалық «Жас ұлан» әскери мектебінің оқушылары, «Жас сарбаз» әскери-патриоттық қозғалысының балалары, сондай-ақ әскерге шақырылғандардың туыстары мен жақындары қатысты.
Қоштасу рәсімін құттықтау сөзімен ашқан Қарағанды облысының қорғаныс істері жөніндегі департаменті бастығының орынбасары, подполковник Еркебұлан Мұстағұлов жас жігіттерді құттықтады. Жиналғандар алдында сөз сөйлей отырып, ол-әскерге шақырылғандарды өмірлеріндегі өте жауапты және маңызды кезеңмен құттықтап, бұл тәжірибе олар үшін міндетті түрде пайдалы болатынын атап өтті:
– Қызмет кезінде олар жақсы физикалық пішінге ие бола алады, сонымен қатар жауапкершілік пен тәртіпті арттырады, – деді.
Әскерге шақырылғандар аттанар алдында медициналық комиссиядан, психологиялық тестілеуден, кәсіби іріктеуден өтіп, Қазақстан Республикасы Қарулы Күштерінің құрлықтағы әскерлері қатарында әскери қызметке аттанады. Биылғы жылы күзгі шақырылым аясында Қарағанды облысынан 18 бен 27 жас аралығындағы мың жарымға жуық жас міндетті әскери борышын өтеуге аттанады. Жігіттер міндетті әскери борышын Қорғаныс министрлігінің, Мемлекеттік күзет қызметінің, Ұлттық ұланның және Ұлттық қауіпсіздік комитетінің Шекара қызметінің әскери бөлімдерінде өтейтін болады. Өткен жылдан бері Қорғаныс министрлігі әскери борышын өтеген азаматтарға білім беру бойынша жеңілдіктер беру арқылы әскери қызметке ынталандыруды арттыру жобасын жүзеге асыруда.Қазірдің өзінде 604 қазақстандық жоғары оқу орнына ҰБТ тапсырмай түсу мүмкіндігін пайдаланып үлгерді.
