Қарағанды гарнизонында әскери қызметшілердің құқық бұзушылыққа жол бермеу мақсатында қылмыстық жауапкершілікке қатысты айлық өткізіліп жатыр.
Қарағанды өңірлік гарнизоны, әскери полиция басқармасының ұйымдастыруымен ҚР Қорғаныс Министрлігіне қарасты қызмет көрсетілетін әскери бөлімдермен, мекемелерінде барлық санаттағы әскери қызметшілер қызмет орнын өз бетінше тастап кету, сондай-ақ әскери мүлікті жымқыруға қарсы қылмыстық жауапкершілікке қатысты профилактикалық іс-шаралар жүргізілді. Қарағанды өңірлік әскери полиция басқармасының мамандары қылмыстық заңнаманы жиналған жұртшылыққа түсіндірумен қатар, әскери бөлімдердің қолбасшылығымен бірлесе отырып жанар-жағармайдың ұрлану фактілерінің алдын алу бойынша бақылау шараларын ұйымдастырды. Іс-шара қорытындысы бойынша әскери ортадағы қоғамға қарсы көріністерге профилактикалық әсер етудің қосымша әдістері әзірленіп, мемлекеттік насихат, мемлекеттік шекараны қорғау және әскери қызметшілердің құқықтарын әлеуметтік салада қорғау мәселелері бойынша бірқатар тапсырмалар берілді.
–Бүгінгі іс-шараға келетін болсақ, Қарағанды гарнизоны әскери полиция басқармасының қызметкерлерімен қызмет көрсететін гарнизонда орналасқан әскери бөлімдер мен мекемелердің басшылығымен бірлесе отырып, ауқымды іс-шаралар ұйымдастырылуда. Атап айтқанда, гарнизонын келсімшарт бойынша әскери қызметшілерімен жоғарыда аталған тақырыптарда семинар-жиналыстар, дөңгелек үстелдер, дәріс-әңгімелер және тағы басқа профилактикалық жұмыстар атқарылуда, – деп атап өтті, өз сөзінде Қарағанды өңірлік гарнизоны Әскери полиция басқармасының алдын алу бөлімінің бастығы, әділет подполковнигі Жарқынбек Молдаханов.
