Қарағанды гарнизонында 7-10 ақпан аралығында қорғаныс істері жөніндегі бөліммен «ЖАҢА ҚАЗАҚСТАННЫҢ ТІРЕГІ – АЙБЫНДЫ ЖАСТАР» әскери-патриоттық акциясы өтеді.
Аталмыш акция ҚР Қарулы Күштерінің оң имиджін және әскери қызметтің беделін арттыру, сондай-ақ жастарды әскери борышын өтеуге ынталандыру және азаматтарды әскери-патриоттық, отансүйгіштікке тәрбиелеу мақсатында өткізіліп отыр. Жалпы білім беретін мектептердің, колледждердің, жоғары оқу орындарының студенттеріне, әскери кафедра студенттеріне, «Жас сарбаз» қозғалысының оқушыларына арналған іс-шаралар барысында Қарулы Күштерге және Ұлы Жеңістің 78 жылдығына арналған Әскери-тарихи музейінің тақырыптық экспозициясы көрсетілді. Шара соңында Ұлттық әскери-патриоттық орталықтың шығармашылық ұжымы концерт ұйымдастырды.
