Қарағанды гарнизонына қарасты, 44803 әскери бөлімінде жеке құрамның қатысуымен патриоттық және ерлік, бейбітшілік пен келісімді ұлықтау сабақтары өткізілді. Сабақты өткізу аталмыш бөлімдегі әскери қызметшілердің отбасы мүшелерімен жұмыс жөніндегі қызметкер Айгүл Сағындыққызының ұйымдастыруымен қолға алынған.
Сондай-ақ, аталмыш салтанатты шарада егемен еліміздің алдағы уақытта да қарыштап дамып, экономикамыздың өркендеп, мемлекеттік тіліміздің өрістейтініне, жастарымыздың білім жолында жетістіктеріне сенім білдірілді. Еліміздің Республика болып сақталуы, шекарасының шегенделіп,тыныштықта болуы біздің әскери азаматтарымызға тікелей байланысты екендіктері түсіндірілді. Республика күніне арналған ерлік сабағында сөз сөйлеген әскери қызметкерлер жас сарбаздарға елдің беріктігін сақтап қалу үлкен іс екенін, егемендігіміздің жолында аянбай еңбек ету керектігін түсіндіріп, мерекелерімен құттықтады.Ерлік сабағының басты мақсаты – «Республика күні» қарсаңында – еліміздің азаматтарын ерлікке, отансүйгіштікке, елін құрметтей білуге, патриоттық рухқа тәрбиелеу.
