Отанды қорғау – ұлы міндет

Қазақстан Қарулы Күштерінің қатары тағы да толыға түсті. Қарағанды гарнизоны, «Астана» өңірлік қолбасшылығына қарасты 31775 әскери бөлімінде жас сарбаздар салтанатты түрде әскери ант қабылдады. Қазақ халқы ежелден Отан үшін төккен тердің бағасын бағамдай білген. Оның ішінде, қастерлі Отан-Ананы қорғау – ең асқақ парыз, абыройлы міндет екенін жас сарбаздар да жақсы біледі.

Ант қабылдау – Отанға, халқыңа адал болу, ел басына күн туса, оны ақтық демің қалғанша қорғау, қажет болса, жан қию деген сөз. Айбынды армия, әлеуеті мықты ел әскерінің бүгінгі іс-шарасы 31775 әскери бөлімінде өтті.Әскер – тәуелсіздіктің тірегі. Механикаландырылған бригада бөлімінде Павлодар мен Алматы, Қостанай қалаларынан келген 216 сарбаз әскери ант қабылдады. Енді олар еліміздің Қарулы Күштерінің сапын толықтырмақ. Аз уақытта әскери тәртіпке үйреніп қалған олар Отан алдындағы борышын адал орындауға серт берді.

Бүгін біз үшін өте қуанышты күн. Әскери бөлім бір ай ішінде бізге ұнады, барлық жағдай жасалған, келген күннен бастап командирлер білмегенімізді үйретіп, көмек көрсетуде. Екі жүзден астам сарбаз арасында 14-ұлт өкілі бар, татулығымыз жарасқан. Отанға деген борышымды адал атқаруға барымды саламын,» – деді қатардағы жауынгер Рахат Сабыржан.

Жүректері лүпіл қаққан ата-ана, сап түзеген сарбаздар. Бұл 31775 әскери бөліміндегі салтанатты кеш көрінісі. Баласы ант қабылдап жатқан сәтін көрген ата-аналардың жүзінен қуаныш сезімі бірден байқалады.

Бүгін біз баламыздың қуанышын көруге арнайы келдік. Қарап тұрсам, баламның жағдайы жақсы екен. Кеше ғана ауылдан шығарып салған бозбала еді. Бүгін сапта сымдай тартылып, есейіп қалғандай.  Командирлерінің қамқорлығына алғыс айтамын. Отан үшін берген уәдесін орындап, елге абыроймен оралады деп сенемін,» – деді сарбаздың ата-анасы Айман Хамзабековна Жухина.

Бүгінгі кеште әр сарбаз өзіне жүктелген міндетті үлкен жауапкершілікпен сезінгені анық. Отанға адал қызмет етуге серт берген жас жауынгерлер елінің амандығы үшін қасқайып тұра алатын сарбаз деген зор атқа ие. Олар ұлан-ғайыр жерімізді ақ білектің күшімен, ақ найзаның ұшымен қорғаған жаужүрек ата-бабаларымыздың ерлік жолын жалғастыруға, елдің қорғанына, сенім арқалаған азаматқа айналмақшы. Отан үшін отқа түсер азаматтарымыздың өміріндегі бұл жауапты қадамына «Астана» өңірлік қолбасшылығы әскерлерінің қолбасшысы, генерал-майор Шайх-Хасан Жазықбаев, ауған соғысының ардагерлері сондай-ақ, ант қабылдаушылардың ата-аналары, туған-туыстары қатысты.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Келесі мақала

«Жас сарбаз» қозғалысының жылдық есеп беру кеші

Сей Мам 30 , 2023
Оқылды: 394 Қарағанды қаласындағы №10 жалпы білім беретін мектептің «Жас Сарбаз» сыныптарының жылдық есеп беру мерекелік кешіұйымдастырылды. Аталмыш мектептің сынып қатарына қабылданған оқушылар осы уақыт аралығына дейін үйренген жұмыстарын көрсетті. Қарағанды қаласында білім саласындағы эксперименталды инновациялық жұмыстар аясында 2004-жылдан бастап кадет сыныптары ашылған болатын, ал бүгінгі күні ҚР Тұңғыш Президентінің […]