Айыпкерлер бірнеше айдан бері қылмыстық іспен айналысып, бір күнде 16 млн. теңгенің өнімін ұрлаған. Тексеріс барысында, олардан әскери қару-жарақ табылды. Бұл қылмысқа теміртаулық полицейлер де сыбайлас болуы мүмкін.

Бір жарым жастағы Ратмир ыдыс жууға арналған химиялық затты ішіп қойған. Салдарынан баланың өңешін күйік шалып, іш құрылысы қатты зақымданыпты. Қарағанды облысында өткен жылы химиялық заттарды ішіп қойған 47 бүлдіршін өңеш күйігін алған екен.

Қарағанды қаласындағы ЖБИ аталып кеткен елдімекенде қаңтардағы бораннан кейін қоқыс жәшіктері толып, айналасын қалың қар басып қалған. Үйіндіге омбылап жеткен тұрғындарға қалдық заттарды төгудің өзі мұң болыпты. Телеарнаның түсірілім тобы барғаннан кейін, Октябрь ауданы әкімдігінің қадағалауымен жауапты мекеме қоқысты тазалады.  

Шаһарымызда «Ұлттық кеңес: әлеуметтік жаңғырту» атты сараптамалық кездесу өтті. Онда, Қазақстандағы азаматтық қоғамның даму жолдары талқыланды.

Қарағандыда «Гарант 24 Ломбард» филиалының директоры ұсталды. Аса ірі мөлшердегі алаяқтық фактісі бойынша сотқа дейінгі тергеу басталды.

Аймағымызда наурыз айының үшінші онкүндігінде қар күрт ериді деген болжам бар. Сол себепті Нұра өзені аудандағы облыстық маңызы бар жолға қауіп төндіріп тұр.

Елімізде Рухани жаңғыру бағдарламасы 3 жылдан бері жұмыс істеп жатыр. Бағдарлама аясында 1000-тарта жоба ұсынылған. Биыл оның жүз отыздан астамына қолдау көрсетіледі. Ал, журналистер қауымы «Рухани жаңғыру бағдарламасы мемлекеттік тілді ұлықтаудан басталу керек»,- дейді.

Қарағандыда бос жұмыс орындарының жәрмеңкесі ұйымдастырылды. Бүгінгі күні шаһарымыздағы еңбек нарығында 1500-ден аса бос жұмыс орны бар.

Қарағанды өңірі республикада ақпараттық технологияларды дамыту бойынша көшбасшыларының бірі болып отыр.  IT және маркетинг жайында өткен бесінші конференцияда өзекті мәселелер қарастырылды.