Жазушы ауруханада белгісіз жағдайда қайтыс болды

Белгілі жазушы, журналист, педогог-ұстаз Қуандық Шамахайұлы қауіпті індетпен ауырып, ауруханаға түсіп, белгісіз жағдайда қайтыс болды. Шәкірттері ұстазының өлімі жайындағы тергеудің ашық жүргізілуін сұрайды. 
ҚР Денсаулық министрі А.В. Цойға
ҚР Ішкі істер министрі Е.З. Тұрғымбаевқа
ҚР Бас прокуроры Г.Д. Нұрдәулетовке
№ 1 қалалық аурухананың бас дәрігері М.Қ.Абдуовқа
АШЫҚ ХАТ
Бүгін, 28 маусымда Нұр-Cұлтан қаласының «№ 1 қалалық аурухана» ШЖҚ МКК-де ҚР мәдениет қайраткері, филология ғылымының кандидаты, әдебиеттану доценті, белгілі журналист, Қуандық Шамахайұлы қайтыс болды. Марқұм өзіне қастандық жасалуы мүмкін екендігіне күмәнданып, қаралы хабар тарағанға дейін 6 сағат бұрын жеке парақшасында жазба қалдырды.
«Астанадағы Бірінші клиникадағы КВИ 1-палатада емделіп жатырмын. Кешеден бері дəрігерлер ковид тексеріс жасаймыз десіп жүрген. Шырт ұйқыда жатыр едім сағат 2:00-де дəрігер мен медик жігіт келіп қағазға қол қойдырды да кетті. Сəлден кейін мед. жігіт келіп, аузыма бір ақ дəрі салды да су ішкізді. Менен басқасына бермеген.
– не зат десем,
 – вирустан сақтайды,- дейді.
– қастандық шығар деп күмəндімін. 3 литр су іштім. Неге маған арнаған? Əреккеттері күмəнді. Ещтеңе түсіндірмейді», – деп жазды ол Facebook парақшасында.
Ел ішін коронавирус пандемиясы жайлап, бойымызды үрей билеген тұста қоғамға белгілі тұлғаның жұмбақ жағдайда көз жұмуы, онсыз да билікке сенімі азайған халықтың көңіліндегі күдігін күшейтіп, дәрігерлердің беделіне нұқсан келтіретіні анық. Осы орайда, құзырлы органдар Куандық Шамахайұлының өліміне қатысты тергеуді ашық әрі жариялы түрде жүргізуін талап етеміз. Науқас қабылдаған препараттың атауы мен оның қандай емге қолданылатыны барлығы айқын айтылуы тиіс. Тергеу қорытындысы бойынша БАҚ алдында ресми мәлімдеме жасалуын және талап етеміз.
Қуандық Шамахайұлы Қазақстан аумағында жүздеген шәкірт тәрбилеген білікті ұстаз. Жас журналистердің азаматтық көзқарасының қалыптасуына, кәсібіне адал болуына бір кісідей ықпал еткен білімді тұлға. Ол кісінің шәкірттері бүгінде елдегі белді БАҚ-тарда ел мүддесі үшін еңбек етіп жүр. Марқұм ғалым ретінде де артынан құнды ғылыми еңбектер мен кітаптар жазып қалдырды. Мемлекетіміздің дамуы үшін, қоғамдағы күрделі мәселелерді өткір көтерген арда азаматқа қастандық жасалса, бүкіл қазақ қоғамына қол көтерумен тең.
Қуандық Шамахайұлының шәкірттері:
Аханова Айгерім
Атамбаева Алмат
Аманжолқызы Ақбота
Әбілова Сағыныш
Баязитова Ақмарал
Үрімхан Ерболат
Рахымжан Жомарт
Есенхан Жазира
Көбенова Құралай
Дүйсекина Мөлдір
Мақышева Ботагөз
Мұқашева Жібек
Ыбыраева Самал
Ыбыраев Айдар
Шошаева Айнұр т.б.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Келесі мақала

Медициналық анықтамаларды кейін тапсыруға болады

Сей Шіл 7 , 2020
Оқылды: 1  491 Білімгерлер медициналық анықтамаларды оқу жылы басталғанға дейін мүмкіндік болған кезде тапсыруға болады Медициналық анықтамаларды алу бойынша туындап жатқан қиындықтарға байланысты азаматтарға білім беру ұйымдарына қабылдану үшін тиісті құжаттарды тапсыру барысында анықтамаларды  уақытша ұсынбауға мүмкіндік беріледі. Азаматтардың қауіпсіздігін қамтамасыз ету мақсатында және денсаулық жағдайы туралы медициналық анықтамаларды алуда туындаған […]