15 мамыр – Аяулы қазақ қыздары күні

Наз-қылығы балдан тәтті,
Бақ-моншағын ардан тақты.
Аяулы қазақ қыздарының
Күні бүгін салтанатты.

Күн көзіне тұнған тылсым,
Еңлік-келбет,
Қорлан-мүсін.
Айналайын,
Айнамкөздер,
Аяулымсың,
Ардағымсың!

Кие қонып тұнығына,
Берік болған ырымына.
Ел сүйсіне көз тастаған
Тоғжандардың қылығына.

Әлиямның батырлығы,
Мәншүгімнің батылдығы.
Дүйім жұртқа дүрмек болған
Сара қыздың ақындығы.

Көркіне ешкім тең келмейтін,
Жүректі іңкәр ән тербейтін.
Баян сұлу,Қыз Жібектер—
Махаббатым мәңгі өлмейтін.

Қазақ қызы солай, дара:
Атқан таңым арайлана.
Ләззаттардың ерлігіне
Бас имейсің қалай ғана?!!

Сүйкімдісің қылығыңмен,
Сүйіктісің бұрымыңмен.
Айналайын,
Қазақ қызы,
Сен—Айымсың,
Күнім күлген!

Ырысы мол тұз-дәмінің,
Аламыз тек біз тағылым.
Бағы жансын қай кезде де
Аяулы қазақ қыздарының.

Ақын  Наурызбай Жарбосынұлы

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Келесі мақала

Мемлекеттік қызметшілер Түркияда тағылымдамадан өтті

Сей Мам 14 , 2024
Оқылды: 173 Қазақстандық мемлекеттік қызметшілер тәжірибе алмасу және біліктілігін арттыру мақсатында Түркияда тағылымдамадан өтті.   5 күндік тағылымдама ҚР Президентінің жанындағы Мемлекеттік басқару Академиясы мен Түркия Республикасы Президентінің жанындағы Адам ресурстарын басқару жөніндегі офис арасындағы ынтымақтастық туралы меморандум аясында жүзеге асырылды. Тағылымдамаға еліміз бойынша 6 өңірдің 13 мемлекеттік қызметшісі қатысты. Тағылымдамаға қатысып келген Абай облысы Сәулет, қала құрылысы және жер қатынастары басқармасының басшысы Анзор Абаев кәсіби дағдыларын арттырып келгенін айтты. «Тағылымдама барысында мемлекеттік аппараттың қызметімен жеке танысуға, тікелей орындаушылармен және Түркияның жекелеген мемлекеттік органдарының басшылығымен пікір алмасуға мүмкіндік туды. Тағылымдама жоғары деңгейде ұйымдастырылды және нәтижелі өтті. Сондай–ақ тағылымдама аясында Түркия мемлекеттік аппаратының […]

Ұқсас мақалалар