Жастардың экологиялық мәдениетін нығайтудағы қоғамдық ұйымның үлесі 

Елордада ҚР Ақпарат және қоғамдық даму министрлігінің қолдауымен «Азаматтық бастамаларды қолдау орталығы» КЕАҚ мемлекеттік гранты шеңберінде «Жастар арасында экологиялық мәдениетті нығайту жөніндегі шаралар кешенін әзірлеу және іске асыру» жобасын жүзеге асыруды аяқтау туралы БАҚ-қа арналған баспасөз конференциясы өтті.

Іс-шараны «Қазақстанның Экологиялық Қоры» ҚҚ ұйымдастырды. Жобаның мақсаты мектептер мен жоғары оқу орындарында өскелең ұрпақты экологиялық тәрбиелеу.

Баспасөз конференциясына Ақпарат және қоғамдық даму министрлігінің өкілдері, ҚР Парламенті Мәжілісінің Экология және табиғатты пайдалану мәселелері жөніндегі комитетінің депутаты, Азаматтық бастамаларды қолдау орталығының басшылығы, ҚР Ағарту Министрлігі, ҚР Ғылым және жоғары білім министрлігінің, университеттер мен мектептердің, ҮЕҰ және т. б. өкілдері қатысты.

Жоба жетекшісі, Қазақстанның экологиялық қорының президенті Айгүл Абдуалиева жобаны іске асырудың аяқталуына орай презентация жасады, сондай-ақ экожоба нәтижесінің әлеуметтік тиімділігі туралы егжей-тегжейлі айтып берді. 

Жобаны іске асыру барысында ауқымды жұмыстар жүргізілді, атап айтқанда:

– Республика бойынша жастар, мектептер, колледждер арасында ұйымдастырылған сенбіліктерге 100 мыңнан астам адам қатысты;

– Қазақстан қалалары бойынша оқушылардың, жасөспірімдердің қатысуымен түрлі әлеуметтік іс – шаралар өткізілді, мысалы, «Құстарға бірге үй сыйлайық», «Алмасу» акциясы, онда қатысушылар 10 жазылған дәптерді әкелуі керек-оған ұйымдастырушылар 1 таза дәптер беру керек және т. б.;

– ҚР АҚДМ бекіткен және экология бойынша мектеп бағдарламасына енгізілген «Ө скелең ұрпақта экологиялық мәдениетті қалыптастыру» әдістемелік оқу құралы шығарылды;

–Астана қаласы «N43 қосымша білім беру мектебі-орталығы» КММ базасында экоклуб ашылды;

– сайт жасалып, әлеуметтік желілердегі аккаунттар ашылды, онда іс-шаралар туралы ақпарат, бейнероликтер, еліміздің флорасы мен фаунасын қорғау және олардың таралуы туралы пайдалы ақпараты бар тікелей эфирлер белсенді таратылды;

– жастарды экологиялық тәрбиелеудің маңыздылығы туралы 3 мыңнан астам постер (флайер), «Менің өңірімнің экологиялық мәселелері» комикстері шығарылды;

– 400-ге жуық оқушы экомәдениетті қалыптастыру туралы экологиялық тренингтерге қатысты және т. б.

Жоба жетекшісі А. Абдуалиева атап өткендей, жоба аясында Қазақстанның өңірлері бойынша «Жасыл челлендж» сәтті іске қосылып, өткізілді, оған 8000-ға жуық адам қатысты, 1000-нан астам ағаш отырғызылды.  «Жасыл челлендж» Астана қаласынан басталды, «№ 43 қосымша білім беру мектебі орталығы» КММ мектеп бақшасының базасында қоғам қайраткерлерінің, экологтардың, ақсақалдардың, мектеп түлектерінің қатысуымен атаулы тақтайшалары бар көшеттер отырғызылды. Бұдан әрі бұл экоэстафет Ақтау, Павлодар, Маңғыстау және Түркістан облыстарының мектептерінде қолдау тапты.

Жобаның негізгі іс-шараларының бірі- Түркістан облысының Шардара қаласында «Жастар» аллеясының ашылуы болды, онда 100-ден астам ағаш отырғызылды, сондай-ақ шағын сәулет нысаны дайындалып, орнатылды. Бұл іс-шараға кем дегенде 150 адам қатысты.

«Қазақстанның Экологиялық Қоры» ҚҚ туралы қысқаша ақпарат:

– «Қазақстанның Экологиялық Қоры» ҚҚ 2005 жылдан бастап «Жасыл планетаға арналған экологиялық қозғалыс» РҚБ құқықтық мирасқоры, ол өзінің кәсібилігімен, тәжірибесімен және жұмыс әлеуетімен сенім білдірді; 

– «Экологиялық таза өнім өндірушілердің халықаралық қауымдастығы» ЗТБ құрылтайшысы;

– 2017, 2019 жылдары «Балалар және қоршаған орта жағдайы» жобасы іске асырылды;

– Қоршаған ортаны қорғау жөніндегі әлеуметтік міндеттерді шешуге қосқан үлесі үшін 2018 жылы сыйлықтың лауреаты;

– Қор президенті А. К. Абдуалиева 2022 жылғы «Халық сүйіктісі» байқауының номинанты 

– Х Азаматтық форум аясында өткізілетін қоршаған ортаны қорғау жөніндегі «Таңдау» Республикалық сыйлығының лауреаты.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Келесі мақала

Қарағандыда Ақжолтай Ағыбай батырдың 220 жылдық мерейтойына орай дөңгелек үстел өтті

Дүй Қар 21 , 2022
Оқылды: 57 Күні кеше академик Әбілқас Сағынов атындағы Қарағанды техникалық университетінде 15 қараша – Батырлар күніне орай жарияланған «Батырлар мұрасы» онкүндігі аясында биылғы жылы мерейтойы аталып өтіп жатқан Ақжолтай Ағыбай батырдың 220 жылдық мерейтойына орай «Ағыбай батыр – ел қорғаны» атты дөңгелек үстел өтті.  Бұл іс-шарада Ағыбай батырдың өмірі мен […]