Халық банк қызметкерлері су тасқынынан зардап шеккендерге көмектеседі

Банк жиналған көмек сомасын 2 еседен артық көбейту туралы шешім қабылдады

Еліміздегі ірі банк пен «Халық» қайырымдылық қорының ұжымы су тасқынынан зардап шеккен қазақстандықтарға өздерінің бір күндік табысын аудару туралы бастама көтерді.

Қызметкерлерден жиналған ақшалай қаражаттың жалпы сомасы 200 млн теңге болды. Осылайша, банк басшылығы аударым сомасын 2 есеге көбейтіп, 450 млн теңгеге дейін жеткізу туралы шешім қабылдады.

Бұған дейін Halyk Bank және «Халық» қайырымдылық қоры су тасқынынан зардап шеккен тұрғындарға көмек көрсету үшін өз қаражатынан 1 млрд теңге аударған болатын. Осылайша, Halyk Bank пен «Халық» қорынан көрсетілген көмектің жалпы сомасы 1,45 млрд теңгеге жетті.

Halyk корпоративтік әлеуметтік жауапкершілік қағидатын ұдайы ұстанады және әрқашан қиыншылыққа тап болған отандастарына көмектеседі. Банк жиналған қаражат үйі мен мүлкінен айырылған адамдарға қиын кезеңдерден өтуге көмектеседі деп үміттенді.

«Halyk Bank және «Халық» қайырымдылық қорының әрбір қызметкері зардап шеккендерге көмек көрсетуге қатысуды өзінің міндеті деп санады, сонымен қатар біздің көптеген әріптестеріміз төтенше жағдай режимі енгізілген өңірлерде тұрады және жұмыс істейді. Жұмысшылардың ешқайсысы шетте қала алмады. Біз су тасқынының жойқын зардаптарынан зардап шеккендердің барлығына шын жүректен жанашырлық танытамыз  бұл еліміздің тарихындағы ең үлкен табиғи апат. Қазір бұрынғыдан да күш біріктіріп, біздің қолдауымызға мұқтаж адамдарға көмектесу маңызды. Тек бірлескен күш-жігермен біз осы қиын кезеңді еңсеріп, табиғи апаттың салдарын жоя аламыз. Біз сіздермен, отандастарымызбен біргеміз», – делінген Банк пен Қайырымдылық қорыныңхабарламасында.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Келесі мақала

12 СӘУІР-ҚАЗАҚ ҒАЛЫМДАРЫ КҮНІ!

Бей Сәу 11 , 2024
Оқылды: 261 Қазақтың көрнекті ғалымы Қаныш Сәтбай 1899 жылы туған Ұлт құндылықтарын сақтау мен насихаттауға бағытталған Қазақ күнтібесінде бұл күн Қазақ ғалымдары күні болып белгіленді. Күнтізбе 2019 жылы Қарағанды қаласында Qazaq club-тың бастамасымен таныстырылды. Ғылымның тербеп бесігін, Бойында ойы жалындар. Тарихтың тылсым есігін Тартады тілге ғалымдар. Бұлқынып жүрек,жанымен, Көңілде толқып […]