Алматылықтарға Эгей аймағының тағамдары ұсынылды

Түркияның Алматыдағы Бас консулдығы «Aurora» мейрамханасында Түрік асханасының апталығын өткізді. Шараның басты мақсаты – әлемдік гастрономияда өзіндік орны бар түрік тағамдарын насихаттау. Осы орайда, биыл таңдалған тақырып – Эгей асханасы. Түркияның Эгей теңізі аймағындағы тұрғындардың тағамдарды дайындауда ғасырлар бойы жинақтаған бай тәжірибесі мен ешкімге ұқсамайтын ерекшелігі Қазақ дастарқанында ұсынылды.

Түрік асханасы апталығының ашылу салтанатында сөз сөйлеген Түркияның Алматыдағы Бас консулы Эврен Мүддерисоғлұ: «Түркия президенті Реджеп Тайип Ердоған мен жұбайы Емине Ердоғанның бастамасымен, Түркия Мәдениет және туризм министрлігінің ұйымдастыруымен, жыл сайын түрлі тақырыпта бүкіл әлемде Түркия асханасының апталығы өтеді. Бүгін біз қазақ достарымызбен Эгей аймағы асханасының дәмдерін татуға жиналдық», – деді.

Бас консулдың айтуынша, тағамдар арқылы Түркияға туризмін дамытуға ықпалы зор: «Түрік асханасы – өзіне тән мәдениетке ие әрі дүние жүізіндегі ең танымал асханалардың бірі. Түрлі дәмдері арқылы елді насихаттауға болады. Мысалы, «Эгей асханасы» дегенде адамдардың санасында «Эгей аймағында қандай қалалар бар екен?» деген сұрақ туындайды. Сол арқылы Измир, Бодрум, Бұрса, Балыкесир, Маниса, Чанаккале т.б. қалаларды көруге деген қызығушылығы оянады. Демек, ұлттық тағамдар мен туризм бір-бірімен тығыз байланысты.


Алматылықтар 2 маусымға дейін «Aurora» мейрамханасында Эгей асханасына арналған менюдан дәм таңдау арқылы Türk Hava yolları әуекомпаниясының Түркияға тегін жолдамасын ұтып алуға мүмкіндігі бар.
Нәзия Жоямергенқызы
#turkmutfagi #türkmutfağı #tga #turizm #gotürkiye #egemutfağı
www.gotürkiye.com
www.tga.gov.tr

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Келесі мақала

Армияға айти саласының сарбаздары қажет

Сей Мам 28 , 2024
Оқылды: 96 Әскерге шақыртылушы – айтишниктер әскерде бір жыл қызмет етудің орнына 42 күн ішінде әскери – техникалық мектепте балама қызмет өткере алады. Мұндай жобаны Қорғаныс министрлігі енгізуде. Программист -курсанттарды Қарағанды әскери – техникалық мектебі қабылдай ала ма, жоқ па? Бұл туралы министрдің орынбасары біздің қалаға сапары барысында анықтады. Бұл […]