ЖЫЛ САЙЫН ЕЛІМІЗДЕ 10 МЫҢҒА ЖУЫҚ ЗАҢГЕР ДАЯРЛАНАДЫ

Тәуелсіздік алғалы 30 жыл ішінде 400 мың заңгер диплом алған, ал жыл сайын елімізде 10 мыңға жуық заңгер даярланады. Бұл туралы «Kazakhstan Bar Association» Заң консультанттары палатасының Төрағасы Жұмагелді Елубаев «Заң білімі және ғылым: заманауи мәселелер және жетілдіру перспективалары» атты халықаралық конференцияда айтты. 

 «18 миллион халқы бар ел үшін  заңгерлерді неге 70-тен астам жоғары оқу орны даярлайды? Сапалы маман даярлауға 5-6 жоғары оқу орны жеткілікті, тіпті одан да аз университет қажет екеніне сенімдімін, солардың бірі – KAZGUU. 2018 жылғы 5 шілдеде «Адвокаттық қызмет және заң көмегі туралы» ҚР Заңы қабылданды. Егер сол кезде Қазақстанда адвокаттардың саны бар болғаны 4,5 мың адамды құраса, заң фирмалары, жеке практикамен айналысатын және корпоративтік заңгерлер саны 10 мыңды құрады. Сондықтан заңгер мамандығы нарықта реттеуді қажет етеді», – дейді «Kazakhstan Bar Association» Заң консультанттары палатасының Төрағасы Жұмагелді Елубаев «Заң білімі және ғылым: заманауи мәселелер және жетілдіру перспективалары» атты халықаралық конференцияда. Оның айтуынша, Тәуелсіздік алғалы 30 жыл ішінде 400 мың заңгер диплом алған, ал жыл сайын елімізде 10 мыңға жуық заңгер даярланады.

Заңгерлерді бағалау және сертификаттау бюросының жетекшісі Жаннетта Калишеваның айтуынша, ЖОО түлегі жұмыс берушінің талабына сай болуы керек. Жұмыс беруші, кәсіби қоғамдастық және университет арасындағы ынтымақтастық оң нәтиже береді, заңгер мамандығы бойынша кәсіптік стандарттар әдістемесін пысықтайды.

«Заңгерлер кәсіби қауымдастықтармен сертификатталуы тиіс, ал жоғары оқу орындары палаталардан аккредитациядан өтуі керек. Заң білімінің  стандарттарын кәсіби қоғамдастықтар әзірлеуі қажет. Сондай-ақ біліктіліктің бірыңғай талаптары деген (білімге, біліктілікке, дағдыларға, құзыреттерге) болады, алайда «Заңгер» мамандығы бойынша бірыңғай талап жоқ»,- деп мәлімдеді ол конференцияда.

Аталған шараға ҚР Әділет министрі Марат Бекетаев, ҚР Білім және ғылым вице-министрі Мирас Дәуленов, отандық көрнекті заңгер-ғалымдар М.Ш. Қоғамов, С.Ф. Ударцев, К.В. Ким, С.П. Морозов, Г.А. Алиханова, сондай-ақ Қазақстан, Ресей, Германия және Украинаның бірқатар жоғары оқу орындары мен кәсіби қоғамдастықтарының өкілдері қатысты.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Келесі мақала

ҚАЗАҚ ТІЛДІ АДАМҒА АҒЫЛШЫН ТІЛІН ҮЙРЕНУ ҚАНШАЛЫҚТЫ ҚИЫН

Сей Жел 8 , 2020
Оқылды: 1  117 Ағылшын тілін қазақ тілі арқылы үйрететін әдістемелерді дамыту керек. Мұндай пікір «ADAL BILIM» жобалық кеңсесінің Фейсбуктегі парақшасында өткен эфир барысында айтылды. Тікелей эфирде «Еңбек нарығында қазақ-ағылшын тілді мамандар неге аз?» деген тақырып талқыланды.   Аталған мәселе жайында қазақ және ағылшын тілдерінің мамандары, медиа саласы қызметкерлері мен жұмыс беруші компания […]