СДУ студенттері мүмкіндігі шектеулі оқушыларға арналған құрылғылар ойлап тапты

Сулейман Демирель атындағы университет студенттері ҚР Білім және ғылым министрлігі ұйымдастырған «BILIM Hackathon 2022» IT байқауында үшінші орынды иеленді. Білімгерлер жарыста мүмкіндігі шектеулі оқушыларға арналған жобаларын ұсынды.

Сайысқа қатысушыларға түрлі тапсырмалар берілді. Студенттер еркін тақырыпта да, берілген тақырып бойынша да білім беру саласындағы цифрлық шешімдер бойынша жоба дайындады. Қазылар алқасының шешімімен жүлделі үшінші орын СДУ студенттерінің командасына бұйырды.

Олардың жобасы мүмкіндігі шектеулі оқушылар мен студенттерге арналған. 2 курс студенті Қажымұқан Реймбаевтың айтуынша, олар тың иедяны 24 сағатта ойлап тапқан.

«Жарыста ұсынған жобамыз мүмкіндігі шектеулі жандарға арналған. Мектеп оқушылары арнайы қолғапты киіп, ым-ишара арқылы ойын жеткізеді. Біз ойлап тапқан құрылғы олардың ойын түсінікті тілге айналдырып береді. Тағы бір идеямыз зағип жандарға арналған. Оқушылар мен студенттер үшін оқулықтағы әріптерді брайль шрифтіне айналдыратын құрылғы мен қосымша ойлап таптық. Бұл жобаларды ойлап табу үшін бізге 24 сағат уақыт берілді. Жарыста 72 команданың ішінде ІІІ орын алып, 500 мың теңге ұтып алдық. Алдағы уақытта бұл жобаларымызға жүзеге асырамыз», – деді Ақпараттық жүйелер мамандығының студенті.

2022 жылдың 26-27 наурызында өткен cайыстың жеңімпаздарын Білім және ғылым министрі Асхат Аймағамбетов марапаттады. Жарысқа қатысуға еліміздің барлық өңірінен 107 команда өтініш берді. 230 студенттен құралған 72 команда финалға жолдама алды. Жүлде қоры 3,5 миллион теңгені құрады. Жеңімпаз студенттер ақшалай сыйлықтармен қоса, Daryn online, BTS Education, EDUS және Mail.kz және басқа да қазақстандық IT-компанияларда жұмысқа орналасу мүмкіндігіне ие болды.

Байқау білім мен ғылым саласында жаңа IT жобаларды жасауға бастамашылық ету, IT мамандарды ынталандыру мақсатында ұйымдастырылды.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Келесі мақала

1 сәуір - Қазақ өнері күні

Бей Нау 31 , 2022
Оқылды: 210 Қадірлі бауырлар! Ұлт құндылықтарын сақтау мен насихаттауға бағытталған Қазақ күнтізбесіндегі 1 сәуір – Қазақ өнері күні болып белгіленген. Бұл күн қазақтың дарынды дирижері, композитор «Аққу», «Әлқисса» сынды күйлердің авторы Нұрғиса Тілендиевтің туған күніне орайластырылып белгіленген. Кезінде Нұрғиса екеуміз бірлесіп «Әкеме» атты әнді жазған едік. Сол ән әлі күнге […]