Қарағанды полицейлері 100-ден астам көлікті қар құрсауынан шығарды

«Қарағанды облысында полиция қызметкерлері 114 көлікті қар құрсауынан шығарды. Сондай-ақ тәртіп сақшылары жылыту бекеттеріне 29 адамды жеткізді»,- деп хабарлайды ҚазАқпарат. 23 қаңтарда ауа райының қолайсыздығына байланысты Қарағанды облысы полиция департаментінің қызметкерлері 114 көлікті қар құрсауынан шығарды. Бұдан басқа полицейлер 29 адамды құтқарып, оларды жылыту орындарына жеткізді. Облыстың жолдарында 27 бекет қойылып, 113 қызметкер жұмылдырылған. Тәртіп сақшылары жүргізушілерді міндетті түрде қауіпсіз жылдамдық режімін сақтауды және автомобильдер арасындағы қашықтық пен бүйірлік аралықты сақтауды, жолда маневр жасау кезінде ұқыпты болуды сұрайды. «Жолдың көрінуінің нашарлауына және көктайғаққа байланысты алыс сапардан бас тарту керек. Егер төтенше жағдайға тап болсаңыздар, 102 нөміріне қоңырау шалыңыз», – деп атап өтті Теміртау қалалық ІІБ патрульдік полиция батальоны командирінің орынбасары Әсет Бұланбаев. Тәртіп сақшыларының ескертулеріне және синоптиктердің болжамына қарамастан көптеген жүргізушілер алыс жолға шығуын тоқтатар емес. Солардың бірі Саран қаласының тұрғыны. Ол елордаға аттанған. Біраз уақыттан кейін Батпақ ауылының маңында көлігі сынып, оған ешкім тоқтамаған. Сол маңда полиция қызметкерлері өтіп бара жатып, қиындыққа тап болған жүргізушіге қолұшын созған. «Менің көлігімнің қозғалтқышы бұзылды. Ешкім тоқтаған жоқ, қатып қаламын деп ойладым. Алайда біраз уақыттан соң жол полициясының автокөлігі келіп жетті. Олар қандай көмек керек екенін сұрады, көліктеріне мені отырғызып, Осакаровка ауылына апарды, онда мен көлігіме қажетті бөлшектерді сатып алдым. Сонан соң қайта алып келіп, машинамды жөндеп алғанша күтті. Жігіттерге көп рахмет», – деп полиция қызметкерлеріне Instagram-да ер адам алғыс білдірді. Әлеуметтік желілерде және WhatsApp мессенджері арқылы жүргізушілер полицейлер қолдарына күрек алып, қар құрсауында қалып қойған көліктерді қалай алып шығып жатқаны түсірілген бейнероликтерді таратуда. Өз кезегінде полицейлер жүргізушілерді елді мекеннен тыс жерге барудан бас тартуды сұрайды. Қазіргі уақытта полиция қызметкерлері машиналар колонналарын баратын жеріне дейін ертіп алып жүреді. Жүк автокөліктерінің жүргізушілерін ыстық тамақпен қамтамасыз етеді.

https://www.inform.kz/kz/karagandy-policeyleri-100-den-astam-kolikti-kar-kursauynan-shygardy_a3606909

Келесі мақала

Қарағанды университетінің әскери кафедрасында танк тренажері іске қосылды

Жек Қаң 26 , 2020
Оқылды: 1  108 Қарағандыда Т-72 танкісінің механик-жүргізушілерін дайындауға арналған бірегей тренажер жасалды. Оны Қарағанды мемлекеттік техникалық университетінің әскери кафедрасының қызметкерлері әзірлеген, деп хабарлайды ҚазАқпарат. Курсанттар онда әскери машиналарды басқару дағдысын пысықтай алады. «Көрнекілік үшін жүргізуші-механиктің орны бөлек тұрғыда көрсетілген. Тренажердің көмегімен қозғалтқышты әртүрлі тәсілдермен дайындау және іске қосу, жүргізу элементтері, сондай-ақ […]